КУЭТ” ААКнын филиалы - Баткен тармактар ишканасынын эмгек жамааты кезектеги ишембиликке чыгышты. Ишембиликтин алкагында ишкананын айланасын жана бөлүнгөн аймакты тазалоо, ирээтке келтирүү иштерин жүргүзүштү. Кызматкерлер өздөрүнө бөлүнгөн аймактарда таштандыларды жыйнап, арыктарды тазалап, айлана-чөйрөнү таза сактоого өз салымдарын кошушту.
Мындай иш-чаралар жамааттын биримдигин бекемдеп, шаарды таза кармоо жана жашылдандыруу багытындагы иштерди колдоо максатын көздөйт.
Ушундай эле ишембилик ишкананын Баткен, Лейлек, Сүлүктү, Кадамжай жана Кызыл-Кыя РЭТтеринде да уюштурулду.
Баткен электр тармактар ишканасы мындан ары да коомдук иш-чараларга активдүү катышып, аймактын тазалыгына салым кошо бермекчи.
