Энелер күнү менен куттуктоо
18 Май 2025 ж.
Сиздерди эң мээримдүү жана ыйык майрам – Энелер күнү менен чын дилибизден куттуктайбыз! Сиздердин мээнетиңиздер, ак сүтүңүздөр, тарбияңыздар ар бир адамдын жүрөгүндө түбөлүк сакталып калат.
Эне — үй-бүлөнүн очогу, коомдун тиреги, улуттун асыл баалуулугунун башаты. Ар бир ийгиликтүү адамдын артында дайыма эненин ак батасы, колдоосу жана чексиз сүйүүсү турат.
Сиздерге чың ден соолук, узун өмүр, үй-бүлөлүк бакыт жана ар дайым балдарыңыздардын сый-урматы коштосун! Жүзүңүздөрдөн күн нуру кетпесин!
Майрамыңыздар менен, кымбаттуу энелер!
Урматтоо менен
«КУЭТ» ААКнын филиалы- Баткен электр тармактар ишканасынын эмгек жамааты.
